in

قلب اللوز

المكوّنات:

  1. 3 كيلات تشيشة قلب لوز

  2. كيلة وربع سكر عادي

  3. قرصة ملح

  4. ⅓ كيلة مارغرين

  5. 1/4 كيلة ماء زهر

  6. 1/4 كيلة ماء زهر و¼ كيلة ماء

  7. للشاربات :

  8. 2 كيلات سكر عادي

  9. 4 كيلات ماء

  10. طرونش ليمون

الخطوات

مزج تشيشة قلب لوز مع السكر و نخلط مليح بيدي حتى يذوب نوعا ما السكر ثم نضيف قرصة ملح ونكمل نخلط المزيج

نضيف للخيط السابق المارغرين ونحك بين يديا جيدا ثم نضيف ماء زهر ونخلط تشيشة مليح حتى نحسوها مشمخة نغطيوه بكيس بلاستيكي ونخليوه يرتاح مدة 24 ساعة

بعدما يرتاح الخليط نحركوه مليح ثم نضيف الخليط الممزوج بين (ربع ماء و ربع ماء زهر) و نشمخ بيهم الخيط و كي نعبز عليه بيدي لازم ميتحلش هكدا نعرفو بلي راهو ناجح

ندهن صينية بالمارغرين و نفرغ الخليط و نعدلو مليح منضغطش عليه حتى يلصق في قاع صينية و نعدلو من فوق بواسطة ملعقة نشمخها في لماء و نسوي بيها السطح دون الضغط

نقسم قلب لوز بشكل طولي و كي نقسم نوصل لموس لقاع صينية ثم نزين بحبات لوز او كوكاو ثم نخليه يرتاح مدة 20 د ثم نطيبو في لفرن على180 درجة

كي يطيب ويحمر مليح نخرجوه من لفور ومباشرة نشربوه بالشاربات حوالي 3 كيلات شاربات وتكون خفيفة ونرجعوه للفرن وهي طافية ونخليوه يبات ليلة كاملة و هو يتشرب

للشاربات نحتاجو 2 كيلات سكر عادي و4 كيلات ماء و طرونش ليمون و نخليوه يطيب لازم ميعقدش كي يغلي نحسبو 10 دقائق و نطفيو عليه ثم نزيدولو ملعقة كبيرة ماء زهر

Report

مساهم

كتب بواسطة مسيِر موقع علمني

Years Of MembershipContent Authorكاتب المواضيع

تعليقات

اترك تعليقاً

لن يتم نشر عنوان بريدك الإلكتروني.

المقروط

شوربة فريك جزائرية